« 1er épisode : Autour du zinc | Page d'accueil | 3. L'Grand Comâne, te crô cha ti ? »
samedi, 30 juin 2007
2e épisode : Cha va êtr' un bazar !
Baptiste : Bin, d'après mi, cha dô't couter moins tchir ! Moinss' d'bourguemait', moinss' d'échevins, moins d'pompi, moins d'ouvriï de l'commune,... moins d' tout, quo ! Mais, surmint pas moinss' d'impôt !
Louis :.Si, si, cha aussi !... Ch'est chin qui dis'nt ! Déjà qu'i a pas assez d'monde pour pour faire l' police ou bal'yer les rucho dans les rues, cha va sûremint aller mi !
Eh bin, ti, Baptiste, ti qui est d' Plostère, quô qui ditst'nt les gins, din tin coin, là-bas... les Briqu'teux" ! I veul'nt fusioner ou i veul'nt pas ? D'toute façon, i s'ront obligi ! Ch'est voté par l' Gouvernemint... mais in n'sait po incor qui va avec qui ?
Baptiste : Bin mi, te vô, Si cha n'tenô qu'à mi, mi j'trouv' qu'in d'vro arvenir à l'timps passé ! Avant, Plostère, i dépindô d'Warneton... ah bin, si on dô s'marii avec ein aut' commune, cha dô êtr' avec Warneton. Et j'pinsse que tout l'monde au Plostère et même ceusse du Bizet, i pins'nt comme mi. Déjà qu'entre les Bizéto et les Plousterto, cha va pas trop bin insonne... Faut pas compliquer les chosses !... Et surtout pô gaspiller nos sous !
Patronne : Attintion à chin qu'te dis, hein, Baptiste, pache qui mi, j'sus née au Bizet... Au Bizet – France, peut-êtr'. Mais, ch'est l'Bizet quand même ! (en chantant Viv' L'Bizet) Et l' Bizet, cha c'est l' Bizet !
Baptiste : Ecoute, Patronne, primo, : te comprinds rin, et deuzio : te vas pas casser les orelles et nous endeuver avec cha. Louis y a d'mindé m'n idée... mi j' l'ai dit ! Et puis, si in peut pu dire c' qu'in veut ichi, t'as qu'à r'tourner en France, d'où qu'te vins, avec tin cabaret ! Nous, in va aller n' in boôr in face, hein Louis ?
Louis : Baptiste, te dôs po t'énerver comme cha. In est si bin ichi. I fait ckaud, ichi. L'bière, elle mousse, et quand l' Patronne est bin lunée, ti, te peux même faire un' tape à sin tchu, qu'elle dit rin. Sinon, t'attrape un' berlaff su' t'n oreill', et séance tenante !
Patronne : Cha fait, comme cha, que l' Plostère y veut aller avec Warneton... Et l'Hôtel de ville ? D'où qu'te vas l' mett' ?
Baptiste : Bin, quelle question ! A Plostère, cha ch'est sûr ! Y a puque d'habitants !
Louis : Cha ?? Baptiste... J'crô pô qu' t'auras raison !
Baptiste : Et ti, Louis, t'es d' Bas-Warneton, ti quand même ?
Louis : Ouais ! Et alors ?
Baptiste : Te veux aussi aller avec Warneton ?
Louis : Ah cha : Non ! Vingt dju, non !
Baptiste : Bin, avec qui alors ?
Louis : Avec Comànes !
Baptiste : Avec Comines ???
Louis : Ouais, et alors !
Baptiste : Et pourquô cha avec Comines ?
Louis : Te sais, in dit toudi : "Bas-Warneton", Mais quand qu't'es à Warneton, pour ti aller à Bas-Warneton, te dos pô deschinte en bas... te dos monter in haut... in haut d'quô ??? In haut de l'côte. Alors, cha ch'est ein séquô qui n'va pô. D'ailleurs, Bas-Warneton... cha fait péjoratif comme les bas quarti' d'Warneton : L'Dgeer, L'Toutchet ! Même nous aut' in dit... l' "Bas-Ckemoinj" à chti du quarti' latonj !
Baptiste : Bin, ouais. J'pinse que t'as raison. D'ailleurs, si vous-otes, te vins aussi avec Warneton.... T'imagine ein fô l'distance qui va y avôr int' L' Bizet et l' Mai-cornet, te vô pas l'trajet, ti ! Cha s'rô beaucoup trop long pou les balayeux et le poubelleux. Nous z'aut', au Ploustère, in a déjà les sacs-poubelles in plastic, mais pas vous aut'... Bas-Warneton y jette incor toudi les bacs à ordures dins un bennô tiré avec un g'va ? Et en pucque de cha, deux clubs de foot dins une même commune, ch'est jomais bon, cha !
Non, non, i vaut mi pour Bas-Warneton qui va à Comines.
Louis : Et Houthem.... quo ch'est qu'i va faire Houthem ?
Baptiste : Bin, j'en sais rin, t'sais ! J'sais pas à qui in pourrot l'deminder ?
Patronne : Machin i sait ça....
Louis : Machin, qui cha ? Machin ?
Patronne : Machin, chti qui s'occupe du foot-ball, allez, commint i s'appelle incore ??? Ernest !
10:20 Publié dans Avec humour ! | Lien permanent | Commentaires (4) | Envoyer cette note | Tags : Belgique, patois, chtimi, Comines
Commentaires
Pour sûr...qu'cha pas êt' triste...
Fok un bourgmest, un échevelé du sport, un autre pour l'kultur, les sinsis, les chimitires, les jumelaches, les doubs, etc....mais y va faloir embaucher pour des Associations Sans Boulot Légitime...pour caser les potes....Et tout le monde sait que là où vont mes potes, mes potirons...
Ceci dit...trente ans déjà...mais on fera jamais dire à un bizétôt ..qu'il est cominôs, ni qu'un houthemôs...qu'il est ghérôs...les clochers, chez nous, ça résiste...et c'est bien !
L'essentiel étant de rester solidaires en cas de coup dur..
Et de se serrer les rangs quand le danger menace ...
...des ports...oui...des cochons...non !!!!
allez al' porc ...haine
psssst : le vois très bien la pièce dans le bistrot à Mavaro !
Madame Dédé au comptoir, et Dédé à l'tute, qui essuie les verres....pénard, pas de texte...)
Y pleut, ch'é l'ducache à WC...
Y a trente ans, demain ch'étôt l'jour de l'procession !
ô zananas.....ô zananas...ô zanaas ô plus ô des chieux !!!
Dans l'cortèche : (prix sur le vif)...
Eh, CG, t'as d'ja eu tin dimanche ?
Ouais ? pourquoi ?
Après l' cortèche..on pousse ène pointe chez Léandre ?
4 21, 7-14-21. etc ..picon, picon et repicon ?
Cet aprèm...rendez-vous avec les gonzesses ?
Frontingblues avec........(censuré)
OK, après,... babyfoot au Coq....'entr'hommes'...
Chaque chose en son temps....
Laissons les refroidir un peu....
Ma mère me disait que du réchauufé c'est encore mieux !!!
Je m'égare.....disait le chef du zwinnebak !
Ecrit par : Dédé la brocante | samedi, 30 juin 2007
Diminche, ché l' dukache à WC...
Ché pu comme avant ! Tout m'villache y étôt in foufelle
Les vis à l'égliche, les ôte à l'procession, choraleux en tête avec el' vi sacremint, lé bougies, el tente à curés...les lifs à paroles pour chanter...
On descindôt l'rue neuf' (el' rue aux viles matantes)...et on chantôt....c'est bintôt les manèches ? les autoskoters ? T'(as vu l'belle poule, el plus kote du villache ? T'auras drôt à une perlèke si te li file 10 tours.....qui é con min pote...bof, chi cha li fé du bin !!!
A s'tépoke....ch'étôt autre kosse...
Asteur, ché l'misère....même les pompis y veultent plus nous arroser !
J'm'invas......heureus'mint qu'hier lys racing a fait sin bbQ...
y avôt pluk qu'monde là qu'à ducache...bin vu lés jeunes !!!
bravo YM...et s'méquipe !!!
Bsr Miquette...on va in bore ène ?
Oui, car le téléphone pleure....
Ecrit par : Dédé la brocqnte | dimanche, 01 juillet 2007
Tout cha ché ben ,mais y vont in'lever les bureaux d'el poste du Bizi et d'Warneton ,et lo y'a perchonne qui dit rin,mi j'va aller à Messen déposé mes sous al'poste,même à Nieuwkerke y supprime e'l bureau ,où ché qu'in va achteur d'in quel monde in vi ! Mais pour lè colis in devra aller à Comânes in ben cha en fait d'el route ,mi pinse que DHL y devrô rach'etter e'l régie des postes ,chi cha continu comme cha j'va mind'er à Taveirne qu'y dépose à Comânes d'in s'in camion vu qu'y va avôr des cochonneries in plus là bas qui paraît'ro .Déjà qu'y faut aller à Ypres e'l week-end pour lè médicamins comme chi y n'avôt pô dé pharmacie d'in not canton ,in pinse plus aux cochons que dè gins n'ôte villach d'in l'politique ed'Comânes!!
Ecrit par : mostar | lundi, 02 juillet 2007
Ché bin vrai Mostar...
Dins une paire d'années, on ira à pétaouchnok pur akater un timbre , envoyer un colis, trouver un médicamint, et même un faiseur d'ordonnances (les vrais médecins étant en voie de disparition...)..
Pauvres fil à télitsts...y vont
in faire de klm pour trouver un timpre !
Mi, j'récupère del ducache...et j'trouve me magré tou cha ..
j'ai bin euvri !
Chef, te chrô t'ke va d'vrôr t'eskinter por y aller incor ?
Mi, j'crôs que j'vas laisser t'cheur !
Ecrit par : Dédé la brocante | lundi, 02 juillet 2007
Les commentaires sont fermés.