Le Rétroviseur qui fait revivre !

Au café
Du Mitan
Just' devant l' comptoir
Il est temps de boire
Au café
Du Mitan
Il est temps de boire
A notre santé !

Qu'on soit Mountche, Blanc Mouchon, Briqu'teux
Cominois, on sera
Et ça suffira
Les Marmousets rest'ront entre eux
Leur folklore vivra
C'est bien mieux comme ça !

En avant la Principauté
Nous, les habitants
Nous sommes bien contents
Ainsi, on en a décidé
Qu'il vaut mieux en rire
Plutôt qu'en pleurer

Ecouter, ré-écouter.... chantez-la dans votre salle de bain, au travail. Sifflez-la en rue... pour ENFIN afficher votre fierté d'habiter... la Principauté des Mountches. La Belgique qui se déglingue en a bien besoin !

A bientôt ?

Baptiste : (effeminé) Hello !.... C'est d'jà fini !

Patronne : "C'est d'jà fini"... (au public) L' manie, elle gagn'...

Julot : Quô qui est d'jà fini ?

Louis : Bin quô, Julot, l'dépoullemint ? D'où que t'étô passé... In t'a cachi tout l' journée ?

Baptiste : T'es pas v'nu voter, Julot ? Pourquô ? Ti, t'étô obligi !

Julot : Bin, mi,... j'ai été cachi l'symbole de l'Principauté et cha m'a pris pucque de timps que j'pinsô ! Vla tout ! Le vl'a !

Louis : Mi,j'ai comme l'impression d'avoir déjà vu cha quekqu' part... et y a pas si longtimps !

Ernest : Mi, ch'est l' contraire. J'ai d'jà vu Manneken-Pis, mais jomais habili comme cha ! Mais, j'dô l' dire, qu' y est bieau comme cha.
(il s'en approche) Et quel beau tissu ! Tâte cha, Louis !

Louis : In diro de l'flanelle... Mais... te trouves pas qu'ça sint ! Ch'est c'tissu qui sint ?

Ernest : T'as raison ! Pour mi, ch' Manneken-pis y a d'jà pichi dins s'maronne !

Julot : Cha va aller, là, tiz'autes, M'fèmme, elle a passé s'n après-midi à tout coud' avec les draps d' min lit !

Louis : Ch'est tin lit qui sint, alors !

Simone : Quô, min lit y sint ?

Julot : (qui va sentir) Mais non ! Cha sint simplement les coulonj de m' majonw! Cha arrive souvint quand qu' Simone elle met les draps sécki déhjors. D'tinps in temps, les coulonj y tchit'nt d'ssus !

Simone : Julot, t'as raison ! Cha sint l'brin d' coulonj ! Mais commint qu'cha s' fait qu' j'l'ai jomais r'martchi !

Baptiste : Bin, mi j'va dire ène séquo : i vaut mi sintir l' brin d'coulon que l'brin d'pourcheauw ! Mi, j'sus d'Ploustère, et j'sais d' quô j'parle ! Tin, j'dos t' raconter ène histôr véridique authtintique...

Simone : Teut teut teut, tais-te! T'n histôr, te la racontras après ! Nous, ch'est aut' quoss qu'in voudrô savôr : Alors, qui ch'est qui ga'ni l'z élections ?

Louis : Devine ?

(Ils se regardent)

Batpiste : Allez... Devine ?

Louis : Ch'est... Ch'est... Francis Ducornez !

(Acclamations et Embrassades pour le Fiston)

Ernest : Ch'est pô vrai ! Et mi, j'ai mêm' pas voté pour li !

Baptiste : Ecoutez tertouss... En timps qu'président du Bureau de Vote et membre de la Commission fondatrice de l'Principauté, j'trouv' que l'premi' Prince, y à l'drôt d' tcheusir... ène princesse !

Louis : Cha ch'est vrai, cha... Et i peut même prindr' qui qui veut : ène fill ou ène fèmme de Plostère, d'Warneton, d'Comènes, d'Houthem, de Bas-Warneton... Et cha dô pô êtr' un garchon manqué !

Ernest : Ni ène feimme mariée '... Ene jeune fille... qui est libre !

Julot : T'Intind cha Simone....

Simone : Ouais... Mais, ti, tais-te ène minute !

Baptiste : Alors, Fissnéness, qui qu'vo allez prind pour princesse de l' belle Principauté des Mountches ?

Fiston : Bin... Bin... Tout cha, cha m'intimid'... mais....comme j'n'aurô jomais n'osu l'deminder en mariache en public.... J'va tout d'même n'osôr l' dire officiellement que m'princesse'... j'va pô d'vôr l' cachi lonj... Elle est-ichi....Là, d'rire s'comptôr....(Il va la chercher)

Tous : Bravo... Vive l' princesse... Et vive sin prince....

(Le Mountche-pis se met subitement à uriner de la bière)

Ernest (étonné) : Ch'est t'fille à ti, chette belle demoiselle, Julot ?

Julot : Bin ouais ! Enfin, j'ai signé pour !

Simone : Ca y est... ça r'comminche ! Mais i m'énerv', li, I dit toudis cha, li,... quin qu' in li d'mande si ch'est bin s'fille ! Pach' qu'ène fô, j' ai nosu li dire : "Maman, sûre etPapa, peut-êtr'"

Julot : Ernest, quo qu'ch'est qui t'étonne d' savôr que chett' fille, ch'est m' fille ?

Ernest : Min garchon i va te l'dire ! Et bien ouais... Dis - le, garchon....que t'es amoureux de s'fille à Julot !

Fifille : Quoi ??? (à Fiston) T'es sin garchon à Ernest ! T'auros pu l'dire l'aut'fô !

Fiston : Bah ouais ! Excuse-mi... mais j'savô pu quô ! T'as tellemint tapé din mes yi' que j'ai été tout flagada !

Fifille : Et ach't'heure... cha va mi ? Te sais parler ?

Fiston : A ch't heure ?... Bin ouais... Mais j'ai pu d' déclaration à faire... min père y l'a dit pour mi !

Fifille : Allez, fais pas ène têt' parell... J't'embrasse !

Simone : Ah bin, Julot, in l'a échappé belle !

Julot : "Echappé belle" ? Pourquô, t'a cassé sin zizi ?

Simone : Mais non

Julot : Bin, quô qu'te bertonne comm'cha !..

Simone : Pour rin....Mi j'me comprind ! Mais j'sus bin continte comme cha !... Qu'ch'est un foot-balleux d'Houthem et pas d'Ploustère !

Julot : Et pourquô cha ?

Patronne (en appartée à Julot) : T ' fèmme, elle a pinsé que t'fllle, elle aurô été amoureuss' avec un foot-balleux du Ploustère !

Julot : Bin et alors ? Quô qui a à cha ?

Ernest : l' péteux Dérabeque ?

Patronne : Ch'ti là qui a ène blouc' à s'n orell !

Ernest : J'connos ! Bin li, ch'est pas un Béor... ch'est même un...

Julot : Un quô ???

Ernest (Il dandinne d'une manière effeminée) : Bin, ch'est un...

Simone : Ouais... ène.... Te m'as compris !

Julot : Non !

Ernest : Tais-te, vla sin père !

(Louis et Baptiste entrent, joyeux )

Simone : Julot !

Julot : Ca y est, ça r'comminche !
...Euh non,... t'as d'jà fini ? Ch'a été ? T'as trouvé du tissu, tout ch'qui fallô ?

Simone : Ouais, ouais ! Mais, in va d'vôr dormir sans drap, chet' semaine ! J'l'ai co'pé pour coud' s' cape !

Julot : Du momint qu't'as pas pris min pijama !

Simone : T'as d'jà vu un Mountche avec des rayures, ti ?

Julot : Et t'as trouvé des boutons ?

Simone : Des boutons ??? Pourquô ?

Julot : Bin, Pou' s' braguette !

Simone : Pach qui li faut ène braguette ! Si c'et comme cha, j'va prind' ceux d' tin pijama !

Julot : A cha non ! hein SImone, touche pas à min pijama !

Simone : Ca y est, ça r'comminche ! Patronne, vins m' donner un coup d' monj !

(Patronne et Suzanne s'affairent à habiller le Mountche)

Julot : Dis, Fifille...Pindint qu'ché fèmmes y enfilt'nt s'maronne à ch' petit crinchon, te veux bin servir un verre à mi et à Ernest !

Fifille : Dis, Pao, mi j'sus pas l'patronne, ichi !

Patronne : Si, si, Fifille, Va quère deux boutelles à l' cave ! I z'ont bin mérité cha !

(Pendant qu'elle va à la cave et qu'elle revient.... Fissnéness entre)

Fiston : 'jour ! Bin quô, Pao, t'es là... L'foot-ball, y t'a cachi tout partout ! Y a personne pour aller tracer les lignes su' l' terronj et rintrer les filets ! L'Comité y m'a d'mindé si qu'te voulô bin aller faire tout cha, là, mai'tnint, tou d'sutte, viiite....!

Ernest : Ch'est toudi les mêmes, les bonnes poires ! Quo qu'te veux, si te veux qu'tin garchon y jue dins l'équipe ! I faut bin faire les corvées ! Sinon, j'sus sûr que min béor de garchon y userô l' fond de s'culotte su' l' banc tout les s'maines !

Fiston : Quô, Poa, Quo qu'te dit là ? Dis incor que j' jue comme un balochard !
(Il se retourne et voit Fifille) : Oh, pardon, Mam'zelle ! J't'avô pas vu ! ... Euh.... Cette fô-ci, j'te fais la bise, j'peux ??!...

Fifille : Ouaiouais ! L'premi'r fô qu'in s'est vu, in auro dit que j't'ai fait peur et t'es v'nu rouge comme ein pivoine ! T'as couru invô comme un laponj ! J'vais po t'mingi, sais-t' !

Fiston : S'maine prochaine, y a du foot-ballà Houthem ! Te vas v'nir m' vôr juer, Mam'zelle !

Fifille : Cha dépind !

Fiston : Cha dépind d' quô ?

Ernest : Cha dépint si qu'les lignes du terrain y sont faites !... Et cha, cha dépind d'mi !

Fifille : Et puis, cha dépind aussi du résultat de l'z élections ! Si que l' prince qui est élu, qu'ch'est un client du café du Mitan,... Mi, j'va d'vôr servir, ichi...pour assister l' Patronne à l'cérémonie de s'n intronisation ! Pache qu'y aura sûrmint gramin d' monde ! Hein, ouais, Poa !

Julot : Bah ouais ! In va pas r'fuser cha à Patronne, hein Gina !

Julot : Salut la compagnie....

Patronne : Tin,vl'la un r'venant ! Et d'ù qu' t'étô ! T'feimme, elle a cachi après ti ? Bin, ça va d'nouvieau r'comminchi les ingueulates !

Julot : Ouais, j'l'ai vu... c'est djà fait.... Bin, quô, Où qui sont lez autes ?

Patronne : Bin quô, tu sais pon ! ... L'dépoullemint, i dô s'faire tout d'sute après l'z élections !

Julot : L'z élections ? Milliard de dju, j'ai bin oublii l'heure ! Et ch'est  fini, à c't heure ?

Ernest : Ch'est sûr ! Trop tard, min vi' ! Si qu't' voulô voter pour ti-même, pour dev'nir l' Prince de l'Principauté ... Tin prince... te pourras l'mettr' là où j' pinse !

Patronne : Dis, Julot, quo ch'est t'as ram'né là din ch' patchet ?

Julot : Cha ?... Mystère ! (Il déballe)

Ernest : Mais ch'est Manneken-Pis...!

Patronne : Quô qu'te vas faire avec cha ?

Julot : In va l'exposer, ichi !

Patronne : Ichi ?

Julot : Cha f'rô bin, non ? Tin din cabaret !

Patonne : In est pas à Bruqselle, ichi ! Mi j'ai pas b'son d' cha, ichi ! Arprind le à t'majon... Te pourras l' mett' din tin gardonj aux côtés d' tes p'tits nonjs ! (nains de jardin)

Ernest : Li, connichant Simone, i va pas pouvôr ! Et mêm' qu'i pourrôt... i va pas l' faire d'peur pour ses conlonj'

Julot : La ferme ! Ecoute ichi : In va l'habilli in Mountche....et i s'ra l'symbole de l'Principauté des Mountches !

Patronne : Et qui ch'est qui va l'habilli ?

Julot : M' feimme ! J'li ai déjà d'mindé ! Après qu'in s'est reconcilié !

Ernest : T' fèmme ?

Julot : Ouais, Simone ! Et que j'va même li faire ein petite opération !

Patronne : à Simone ???

Julot : Non, à sin zizi !

Patronne : A sin zizi à Simone ? T'es tcheu su' t' tête, ti !

Ernest : Te vas quand même pas li couper l'chifflet à c' petit bonhomme ?

Julot : Non... Pour l'jour l' intronisation du prince... c'petit bonhomme, comme te dis,. i' va d'vôr pichi de l'birre ?

Patronne : de l'Birre !

Julot : Ouais, de l'Birre !

Patronne : Et laquelle ?

Julot : De l' Pils... et qu'in va l'appeler : "Mountche Pils"

Ernest et Patronne : de l' Mountche-Pisse ?

Julot : Ouais ! De l'Mountche-Pils !

Patronne : et d'et d'où qu'elle va v'nir c't birre ?

Julot : par sin zizi !

Patronne :Ca, je l'devinne mais qui qui val l' brasser cette Mountche-pisse ?

Julot : Cha... ch'est l' Musée de l'Brasserie qui va l' faire ! Et si qu'elle est pas en état ! In d'vra pas cachi bata'll pour cha ! In va d'minder à Batiste !

Patronne : J'pins' que t'oublies que l'Batiste, ch'est l'birre du Moulonj'

Julot : Ouais, je sais ! Et Plostère, ch'est l'queue d'charuue ! Mais çha n'empêche pas !

Patronne : Et te crô que l'Commune elle va êt' d'accord avec tout tes carabitoulles ?

Julot : Ouais mais, y a séquo qu' t'as oubliii : l'Commune, elle aura pu rin à dire, ichi ! Cha va être l' Principauté qui va tout décider !

Ernest : Mais chô ch'est ène bonne idée ! Comme cha, te d'vras pu aller au déhjors non pu' pour fabriquer l' bière du D'Geer, l' Freutche !

(Simone et Fifille entrent avec l'habit du Mountche)

Patronne : Ils sont partis ? J'va pouvôr reprind possession d'min café ?

Ernest : I vienn'nt juste de partir... Avec les bulletins pou' l'dépoullemints !

(Elle voit Ernest s'étant servi lui-même)

Patronne : Ah bin, Ernest, j' vô que te dô vraimint pas t' géner ! V'là qu'les clients y s' serv'nt eusse-mêmes, à c't heure ! Et, te n'as déjà infilé combin, là comme cha ?

Ernest : Ch'est l' premi et ch'est l'derni ! Mais, j'va te l'payi, t'sais... te m'connôs, hein, Patronne !

Patronne : Ti, ouais... j'ai confiïnce, Mais, si cha avô été tin camarad' d' Baptiste... li, y auro sûremint jamais réglé si j' l'auro pas pris su' l' fait !

Ernest : 'Ttintion, Patronne, ch'est li qui y étô présidint et qui commindô, ichi, toute l' journée ! Si ça s'trouve... y a vidi un tonnéauw  !

Patronne : Un tonnéauw ??? Nom de dju, j'va vérifier cha tout d'sute... (Elle inspecte tout sous le comptoir et à la cave) ! Bin non, rin... y z'ont rin bu ! Y a incore d'z honnêtes gins sur terre !

Ernest : Te vô, Patronne, qu'in n'est pas tous des Béor !

Patronne : Ouais, bin... pour mi, c'est ein journée d'perdue ! Tout l' monde y est passéi ichi, et j'ai même pô pu servir ein' seule bierre ! Bin, si ch'est cha... l' Principauté ! Elle peut r'tourner d'ù qu'elle vint !

(Julot entre subitement avec un "manneken-pis" emballé dans les bras)

Ernest : Salut !...

Louis : Ernest... Quô qu'te vins faire ? T'as d'jà voté, ti, pour l'Principauté !

Ernest : J'sais... mais, j'vins aux nouvelles ! Alors ch'est qui, l' Prince ?

Baptiste : Eh Oh, attinds... Faut pas brusquer les gins d'l' Administration ! Nous, in fait tout cha dins les règles ! A c't heure, nous, in va aller porter tout cha à l'Majon Communale et après, in a pucqu' à attind' qu'les employés de l'commune, i dépoull'nt tout cha !

Ernest : Ah, pach'que c'est les employés de l'Commune qui dov'nt...

Baptiste : Ouais... pour ène fô, i vont ouvrer !

Ernest : Bin....Ch'est pas là d' ête fini !

Louis : Pourquô ?

Ernest : Et les abstinstionnistes ? Commint qu'i vonf faire pour les compter... pisqu'i sont pas v'nus ' !I dov'nt les connott' pour pouvor dire l' pourcentache ! J' l' sais bin, j' su pô un Béor, t'sais, mi !

Louis : Si... t'es un Béor ! Si qu'i z'ont pas v'nu voter, y a pas d'bulletonj à dépoulli din l'urne!

Ernest : Ch'est qô cha ? L'uu...

Baptiste : L'URNE...L'caisse de votache ! Te sais po, cha, ti... t'es quand même un Béor ! Et tes "abstin...-machin", comme te dijô là, ch'est quô cho ?

Ernest : Dis, Baptiste, en parlant d' Béor... te peux t'raviser !

Louis : Oo Oh, vous n'allez quand même pas battili ! Baptiste, des "abstinstionnistes", c'est des gins qui z'ont pas v'nus vôter !

Esnest : Ouais, mais ch'est obligatoire en Belgique !

Louis : Et attintion, in n'est pu en Belgique, ichi, in est din l'Principauté des Mountches !

Ernest : Ouais, cha ch'est vrai... Ch'est aut'ckosse ! Ceux qui voulot'ent pas v'nir, i d'vot'ent pas !

Louis : Mais i dovt'ent pas v'nir dire après qu'tout cha, ch'est pas à leur idée ! Cha dô pô êt' comme in France, ichi ! Avec ché Français, quand qu'i z'ont l'occasion d'voter et tcheusir un Président... I vont pas pach' qu'i dis'nt : "Y a quand même rin qui va congi !"

Baptiste : "In prind les mêmes, et in r'comminche", ch'est aussi comme cha en Belgique !

Louis : Pourtant, si les Français y avot'nt voulu, i s'arot'nt pu mettr' Coluche... Ch'étô un nouvieau, li ? Non ??

Baptiste : Bon, Bon... in y va, Louis ! Autremin, D'monj, in est incore ichi !

(Ils s'en vont. Ernest reste seul et crie après la Patronne. Comme elle ne répond pas, il va à pas de loups se servir lui-même et boit – Subitement, elle entre, mécontente)

(Le bureau de vote va fermer. Quelques dames entrent et sortent des urnes! Baptiste joue le rôle de président. Il crie les noms des derniers votants : qui sortent successivement des urnes)

Baptiste : Simone du Saint-Yvon, a voté (Elle sort et récupère sa carte d'identité)
Yvone du Mitan, a voté (idem)
Francis Korteker a voté (idem)

Baptiste : Dis Louis, ti t'es l' assesseu' mais t'as po incore voté. Te sais que l''bureau y dô fermer dans cinq minute !?

Louis : Ti non pus, Baptiste, t'as pas incore voté ,

Baptiste : J'sais ! Mais y a pas l'fû !

Louis : Bin non,... Y a pas l' fû !

Baptiste : T'as pas sô, ti ? Cha fait tout l'matonj qu'in est ichi sans pouvôr bôôr ène séquo ! Et l'patronne qui a pas pu rester pendant l'vote, t'as même pas pu comminder ein pinte '

Louis : Quô ? "T'as même pas pu comminder ène pinte !' Mais ch'est ti l' Présidint du Bureau d'Vote, ch'est à ti à payi ! Un radin comme ti !

Baptiste : A ouais ??? Comme cha, ch'est ti qui dis qu'ch'est mi qui dôs payi ? Bin, t'es pas drolle, ti !

Louis : Mi, avant, dans les votaches, j'ai toudi été assesseu' Et cha a toudi été l'président qui payô ène tournée quand ch'étô fini !

Baptiste : Ouais... mais ichi, ch'est po incore fini, nous-otes, in dô incore aller din l'isolor pour mett' ène boule !... Et j'ai fonj, in pucque de cha !

Louis : Et te crôs qui a quéqu'in qui auro pinsé à nous rapporter des pistolets pour mingi ! Pour mi, les bourguemait', y dov'tent pas vir cha d'un bon oeu'l qu'in va transformer l' Canton en ène Principauté ! I dov'nt surmint pinser qu'in est occupé d'couper l'herb' d'sous leu' pid !

Baptiste : Ch'est bin fait pour eusse ! I n' avo'nt qu'à êtr' pu malonj et s'mett' d'accord, tertouss !

Louis : I z'aro'nt pu trouver un bon compromis "à la belche" et qu' tout l'monde y restô mait' à s'majon ! Mais non ! Ch'étô trop difficile ! I z'ont tous voulu garder leuz écharpes nôr-jaune-rouch'- autour d'leu vinte et pour in définir, i n' d'aura pu qu'un qui aura l'drô d'êtr' bourguemait'...

Baptiste : Mais, horeusemint, nous, in est là... et cha va pas s'passer comme cha !

Louis : T'as raison... l'Principauté, elle dô avinchi ! In est ichi qu'in babille comme des commères ! Attind avant d'fermer, J'raviche ein fô qui ch'est qui a pas v'nu voter !.... (Louis parcourt sa liste.....)

Louis : Tin, ichi, y a pas d' crô ! Ah, Rotverdomme, ch'est Julot !

Baptiste : Julot ?

Louis : Ouais... Julot !

Baptiste : D'ù qu'c'est qui s'cache, li . In l'vô pu ! I nous laiche nous démerder tout, tout seu' ! Et ch'est quand même li qui a tout comminchi c' bazar !

Baptiste : Et i sait qu'in a b'son d' li !

Louis : Et au pucque qu'y a des votants, au pucque que not' autodétermination, elle prind du po'ds !

Baptiste : Au pucque que ch'est sérieux !

Louis : Mais tant pire !... Y est l'heure ! Nous, in va vôter et puis in n'a pucque qu'aller porter l'urne !

Baptiste : Lu', quoi ?

Louis : L'urne. L'caisse du votache, si te comprinds mi ainchin !

Baptiste : Et l'porter où ?

Louis : Bin, au bureau d' dépoullemint ! Allez, faut pas perd' not' timps... Y est deux heures ! Ch'est l'heure ! In vote... et in s'in va ! Et tant pis pour chti qui est pas là !

(Ils vont aux "isoloirs" et votent en s'épiant l'un l'autre. Ils déposent leur bulletin en se criant l'un l'autre ... a voté ! Ernest entre)

Baptiste : Non, non, A c't heure, in dô aller installer les isolo'rs ! Comme cho, in aura fini et in pourra r'venir bôr un verre !

Louis : D'où qu'in peut trouver des grosses caisses ?

Baptiste : Des grosses caisses ? In d'a din tous les musiques ! In va quand même pas voter avec ein' mailloche en tapant su' l' tête du candidat !

Louis : Te dis toudi des bétiss'... Patronne, T'aurôs pas des grands cartons, des bôtes, quô !

(Elle va cherche trois grandes boîtes en carton)

Louis : Baptiste, va li donner un coup d' monj ! T'es pressé et t'es là qu'te joques et qu'te ravisses comme un rond d'flan !

(Ils reviennent et Louis prend son canif et coupe les boites de sorte qu'elles forment un genre de pupitre-isoloir discret posé sur les tables, que l'on aligne contre un mur. C'est le branle bas le combat)

Ernest : Quand j'pins' qu'j'étos v'nu ichi pour une petite partie d'dés... me vl'a engagé dans l'destonj du Vrai Canton. Si cha s'trouve, l'futur Prince i va m' nommer Ministre du Sport de l'Pincipauté des Mountches "... Ch'est mi !

Baptiste : In va êtr' crâ avec un Ministr' comme ti !

Ernest : Mais j'dis cha pour rire ! Gros Béor !

Louis : Voilàà.. Tout y est fin prêt ! J'vais faire imprimer les convocations sur l' stencyleuse de l'commune et y aura pu qu'à les distribuer tout partout !
Cha va comme cha ? Alors, in y va !

Ernest : Oh, stop... Avant de s'quitter, j' vous proposs' ène séquo :

Louis : Quô incor ?...

Ernest : J'veux payer ène pinte à c'Béor de Baptiste ?

Baptiste : Ah mais, si ch'est ti qui paie... Alors, ch'est pas d'refus.

Patronne : Bon, qu'est-ce que j'vous sers !

Louis : Ah, ein pinte parell'! Elle vaut d' l' or ! Alors...Pour mi, ce s'ra ène Pils d'Or !

Baptiste : Attintion, te sais quô avec chette birre... Te n'in bô ène... et t'in ... et t'in...

Rideau de l'avant-dernier acte !